全隻軟殻蟹咁上第一次見～隻蟹細細隻就比人炸左，覺得可憐又可愛，隻蟹味道竟然覺得幾好食喎，唔乾硬，個意粉份量真係好少好少..女仔食都覺得唔夠，男仔簡直係攝牙罅，蒜蓉味重過明太子味太多了
.
個雞翼勁乾，入面啲肉好鞋，冇咩蜜糖味，肉又唔離骨....但又唔係唔熟..都唔知點形容佢好。本身對個薄餅冇咩期望，但咬左一啖又幾鬆脆喎，一啲都唔硬，每一啖都會有啲餸食下咁
.
為左想影張相就叫左呢個，雪糕簡左牛奶味，個熊貓一黎到第一時間覺得：點解咁稀疏嘅..好似禿頭咁😂仲要耳仔位凹晒，耳仔都見唔到。雪糕還可以👌🏿
