窩心鍋 (Closed)

今日同好友相聚，揀左哩間火鍋店，本新以為只係一間普通比任食質素高既火鍋店，點知食落有驚喜！一上樓梯就見到好大個「飲勝」，好重港味，好親切！先黎個牛肉刺身，第一次食，感覺好特別，好肥美，入口即溶湯底叫左酸辣湯加麻辣中間係日本雞頸肉，哩個係店主推介我地食，好爽口，無雪味！打邊爐牛肉係必備！牛肉係本地牛肉，雪花平均，我發覺愈黎您多火鍋店中意用本地牛做主打，貪佢夠新鮮，牛味好濃，又爽滑、比澳洲牛好食得多豬腩片來自日本神戶，超薄，一落湯就熟，好爽口，不過我都係中意牛肉多d三寶丸係蝦丸墨丸鯪魚丸，我個人最中意墨丸，有粒粒墨魚好有咬口珊瑚蚌我無食，實在太飽，但朋友話好食牛3小碟都係一d牛既內臟，放哂落湯熟左都分唔到係咩，不過全部都係乾淨好爽口，食得安心最欣賞係佢個魚皮同埋響鈴，全部都係店鋪自製！魚皮係焗左再炸，超鬆化，又有炸蒜，好香口，就咁食或浸湯都好滋味兩個人都有超闊落既卡位，環境好舒服，服務都好好，可以再黎