Feast Oyster Bar and Restaurant (Closed)

平日兩位 有用到openrice discount (正價嘅85折加一計原價 個人認為呢個discount唔算吸引 )其實呢一日之前已經想食 不過好多次都訂唔到位 用openrice訂位有幾次都畀唔到錢 呢一次終於食到 侍應話有可能係有discount嘅 一早已經book曬 有或者每日名額有限 根本都訂唔到位

講返食物相當之唔錯 一嚟就畀一個大嘅海鮮拼盤 青口翡翠螺蝦蜆鮑魚生蠔 雖然侍應不停話翡翠螺真係嚟自法國好正 但由於非常之細粒同埋雪到冇曬味 非常之普通唔知佢點解咁推介
都係集中翻鮑魚同埋生蠔好喇
其他青口同埋蜆非常之冇特別 尤其是嗰隻蜆又細又淡 係罐頭貨我都信

1

呢度係兩個人份量嘅主菜兩條牛小排加半隻芝士焗龍蝦兩樣嘢都係水準之作尤其是牛扒非常之正

但係生蠔就真係 重中之重 非常之正 非常之鮮甜新鮮 係侍應一隻隻新鮮開仲有海水味creamy 完全唔係酒店嗰啲沖水貨 不停追加又追加總共兩個人食咗五打 鮑魚仔就食咗一打

呢一個set菜單下面嘅熟食可以隨便叫
咁多樣嘢只係得兩個手工pizza 比較好食
其他嘢有多少茶餐廳feel 唔食就算數
(詳細餐牌內容自己去google餐廳餐牌)

每人有一個主菜 我哋叫咗燒牛小排同埋焗龍蝦
牛扒正到不得了 龍蝦都竟然食得出係新鮮龍蝦
非常之有驚喜

只係有一個地方唔係幾好 想提一提
餐廳似乎好想迫你叫飲品 或者開酒
因為晚上要工作所以唔能夠飲酒 夾硬開咗支88蚊嘅礦泉水 雖然openrice有85折 但係加埋曬礦泉水再加原價加一 每人大概要700蚊
你話好抵又唔係好覺 因為佢始終啲生蠔真係水準之作 如果加埋108蚊任飲嘅話 每位差唔多要800蚊 如果大家食到兩三打生蠔以上 係非常之抵食 如果唔係 建議 你去返 五星級酒店自助餐