首先地方寬躺，枱與枱之間唔會好迫，私人空間感夠。
一嚟到就試試佢個生蠔，雖然只得一款法國蠔！但隻隻蠔都新鮮爽甜
，大大話話都食左成打，成打都靚仔甜美！
只係食蠔都夠曬勝價比啦！
之後試試作個刺身！
個帶子刺身好食到震呀！係大大粒！口感鮮滑，入口溶化！一食就知係靚野！小偏我極力推薦呢！
食完冷盆，有人送左一盅燉湯黎，每人一盅！螺頭燉湯，飲得出火口十足！味道濃郁，真係好想飲多碗咁滋補嘅湯水
1
之後原來每人都有半邊龍蝦🦞
如果有得選擇熱食就一流！不過個龍蝦係凍上，冷盤食法。
其實未食個main course 已經好飽
其他野食，選擇唔算多，但重質不重量！食物質素都好滿意！感受到廚師嘅真誠！
終於食到個主菜！
慢煮牛面頰，舊時食過嘅牛面頰！都係好多筋，同食牛腩嘅口感差唔多！估唔到慢煮過後係咁出色！加上佢係和牛，牛脂分布一流！入口即溶。唔係講笑，真係老少咸宜！大膽咁講，冇牙都食到😂! 除咗肉質入口即溶，調味都相當一流！可能因為已經慢煮12小時，真係好入味。除咗個牛肉，其實個薯蓉都好好味！牛油味夠重，香滑美味！
到咗最後第三個胃嘅環節，甜品時間！最喜愛嘅係蕃薯糖水，薑味十足，好有懷舊風味！另外，waffle係新鮮製造，熱辣辣！脆卜卜，加上重點係movenpick雪糕任食！
！ 咁嘅價錢仲有埋咁高質嘅雪糕食，真係邊度搵到！ 
1
