Video
Read full review
2021-04-14
781 views
上星期去了元朗國B-Mix食生蠔，$398+1，飲品另計，任食3個鐘。生蠔係甜鮮爽口飽滿嘅，完全可以一直不停口食都唔會覺得飽滯，4個人食了11打，其實還可以再食，但只係覺得就算任食都唔洗博命，而且不停食果幾樣嘢好悶。原本一盤一打咁上，我地4個人好快食完，之後便叫佢每次上兩打，每次再上蠔都好快，但有時都要等10幾分鐘，飲品又耐，要成半個鐘。我8.30前叫出主菜同上多一次生蠔，生蠔到了，我細佬又提佢出主菜，但最後等到9.30才上菜，足足一個鐘！早知就叫多一打生蠔食住先啦⋯每打生蠔都是一半韓國蠔（比較細同瘦），一半愛爾蘭生蠔(大隻d)，但其實都差不多味。蝦同螺都Ok，不過就算中意食生蠔，我都係不想一次食咁多，情願比$500食buffet，嘜都食下，或者叫些不同款的生蠔食，比較下，唔洗被迫食韓國蠔。唔明點解主菜要最後上，唔可以邊食蠔邊食主菜再食蠔，等出主菜又要等成粒鐘，冷氣超強，等待的時候無嘢食，好無聊又凍，浪費時間。鍾意食蠔的可以去下，但要帶多件外套同埋執生，因為預飲品同主菜都要等好耐。主菜味道Ok，不過追咗咁耐才到，無晒mood。 入坐前，要做好工課，因為職員全
生蠔係甜鮮爽口飽滿嘅，完全可以一直不停口食都唔會覺得飽滯，4個人食了11打，其實還可以再食，但只係覺得就算任食都唔洗博命，而且不停食果幾樣嘢好悶。
原本一盤一打咁上，我地4個人好快食完，之後便叫佢每次上兩打，每次再上蠔都好快，但有時都要等10幾分鐘，飲品又耐，要成半個鐘。我8.30前叫出主菜同上多一次生蠔，生蠔到了，我細佬又提佢出主菜，但最後等到9.30才上菜，足足一個鐘！早知就叫多一打生蠔食住先啦⋯
每打生蠔都是一半韓國蠔（比較細同瘦），一半愛爾蘭生蠔(大隻d)，但其實都差不多味。蝦同螺都Ok，不過就算中意食生蠔，我都係不想一次食咁多，情願比$500食buffet，嘜都食下，或者叫些不同款的生蠔食，比較下，唔洗被迫食韓國蠔。
唔明點解主菜要最後上，唔可以邊食蠔邊食主菜再食蠔，等出主菜又要等成粒鐘，冷氣超強，等待的時候無嘢食，好無聊又凍，浪費時間。
鍾意食蠔的可以去下，但要帶多件外套同埋執生，因為預飲品同主菜都要等好耐。主菜味道Ok，不過追咗咁耐才到，無晒mood。
 
入坐前，要做好工課，因為職員全完不會同你講規矩，佢預你嘜都知先會行入去的。你坐低叫上主菜，哥仔就話「上咗主菜冇得再叫蠔喎！」
不過哥仔同有個年長的阿姐同妹妹，都算勤力，好快來執枱同繼續上生蠔，絕不吝嗇。
如不是等咗成個鐘先有食主菜，同埋等半個鐘先至有嘢飲的話，3粒鐘任食，有音樂聽下，有得坐下傾下偈，都算係愉快的一餐。
食完，等車時有點想去廁所排毒，好在有公廁，回家又再排毒。如有人想去，食完要快些回家準備去廁所。不過又冇肚痛只係想排毒，始終食咁多生蠔太寒涼。
Post
