喜多嬉牡蠣屋 (Closed)

一間生蠔放題真係要推介俾大家，因為佢唔使$500就可以任食喜多嬉生蠔，焗蠔，焗帆立貝。而且佢嘅熟海鮮仲可以揀唔同口味，包括麻辣，蒜香同埋芝士，都真係幾正。而且食海鮮之前首先仲會有前菜同主食。包括海鮮湯，炸牡丹蝦/味啉魚乾，喜多嬉懷石八品。佢個石八品，超有驚喜，除咗擺盤好靚之外，裏面嘅嘢食都好有特色，而且味道由淡到重，令人可以一步一步咁樣食落去。由開始分別會係羊羹，刺身，和牛沙律，雞肉棒，茶漬飯，燒魚，秋葵同埋吞拿魚他他。佢嘅羊羹好有特色，鹹鹹地裏面仲會有啲海鮮。而佢嘅茶漬飯非常之好食。食完食完以上咁多之後仲會有一碗烏冬添，而且仲有甜品附送，超級飽。如果想試多啲仲可以加$100加配串燒任食，同飲品任飲，都滿足㗎。