Nagasakayaki

今晚在旺角朗豪坊Happy Hour完，係隔離砵蘭街搵到間質素唔錯嘅日式居酒屋 — 長阪燒。價錢唔貴，裝潢唔錯，幾乾淨舒適。

季節限定Oyster Set ($138): 生蠔Set為西班牙Castillo生蠔，蠔肉飽滿，非常新鮮，海水味及蠔味均適中。

1

套餐搭配一杯Moscato白酒，甜美不帶酸，易入口

雲丹拖羅蓉山盛 ($188): 海膽、拖羅蓉、三文魚籽配六件紫菜卷飯，刺身比飯還多，海膽鮮甜，拖羅蓉香滑，加埋三文魚籽嘅咸香，味道層次幾豐富。

燒特大虎蝦 （$88/2隻): 虎蝦真係幾大隻，有手掌般長，肉質結實爽彈，味夠鮮甜，夠新鮮。

燒鱈雪干 ($38): 普通燒魚干，但口感爽脆，帶微微咸香，為餐前小食。

燒手羽先 ($28), 黑豚 ($38), 活海鰻 ($48), 青椒仔 ($28), 菠蘿片 ($28): 燒手羽（即雞全翼）外皮香脆，肉質嫩滑，帶不少肉汁；活海鰻夠鮮甜，肉質亦夠爽滑，厚度適中。