燒蝦蝦 (興泰大廈) (Closed)

男朋友今日帶咗我去佢屋企附近既燒蝦蝦。近期香港開咗好多流水蝦放題，一直都好想試，今日終於試到啦。餐廳坐位都算坐得舒服，每枱會有一個電燒烤爐🔥，仲有旁邊有個水缸養住大頭蝦，職員見無蝦就會好快幫忙再放入水缸。我地要將蝦從個缸夾上黎，然後放進冰內冰暈，再放上去燒烤爐燒。每枱都有幾款調味粉提供。大頭蝦超厚肉，仲好多膏，又彈牙。新鮮既流水蝦同其他放題俾既急凍蝦真係兩回事來。除咗蝦之外，仲有好多其他海鮮同熟食。全部海鮮都好新鮮，鮑魚肉厚軟淋；生蠔肥美又唔腥；海鮮全部都好新鮮而最特別既係，佢地有原條燒魚，可以成條燒到皮脆，魚肉鮮甜。真心讚下次再黎食!!😋