我明明叫咗一個生牛肉撈檬粉，佢俾咗碗咁嘅嘢我，之後我問佢係咪比錯咗，佢同我講呢碗係生牛肉撈檬粉，我問佢嗰啲牛肉點解咁熟嘅，佢同我講話正常㗎，因為我唔會比生牛肉你食。我真係好想粗口佢，但係我諗諗吓可能呢間餐廳佢哋個做法係咁樣啦，佢都係打份工。但係我唔明白，既然我叫生牛肉你都比熟牛肉我，咁我想問吓兩者之間有咩分別？就算佢係因為驚食到人哋肚痛，咁又唔見壽司店啲魚生係熟嘅？你既然俾得人哋揀，話有果樣野，就要真係做到先至好擺出嚟啦。
我個套餐包杯嘢飲，我叫咗杯凍檸茶少冰，佢就同我少甜。
好，我唔同佢嘈，直接投訴間野算。
