上海菜都係我幾喜歡既菜式之一😁
我地叫左茶燻煎雞滷肉湯飯，紅油抄手，生煎胡椒包，玫瑰花蜜同埋一支豆漿～
個茶燻煎雞一嚟到望落好似好燶，不過諗諗下應該係因為茶燻所以先咁深色😂
咬落去有淡淡嘅茶香味，好特別👍 外層非常脆但唔乾身，裡面好滑，雞皮有適當油脂但又唔會太肥膩，唔錯呀！😋
滷肉飯成日都食，但係滷肉湯飯都真係比較少見😯 佢嘅滷肉肥瘦適中亦都好淋，幾好食，不過個湯底我就覺得調味稍為重左啲～
紅油抄手新鮮煮起，黎到仲出緊煙😅 皮唔會煮到太淋岩岩好，皮薄餡多，我地叫左辣汁另上，而佢本身既汁係甜甜地，辣汁同平時食既紅油抄手有啲唔同，呢度偏辣偏惹味但就好似欠缺左少少蒜同辣既香味～
最後壓軸出場嘅係生煎胡椒包😋😋 包底煎到非常脆但又唔會太多油👍👍 裡面勁多汁，鹹味適中，胡椒味愈食愈出，食到個人都暖粒粒😚
今日突然之間凍咗好多所以我都叫咗杯玫瑰花蜜暖一暖身，蜜糖味幾出而且中和左玫瑰既苦澀味，好飲👏
埋單唔駛加一好抵食👍 呢度既包咁出色，期待下次試埋生煎流心叉燒包同埋小籠包🤤🤤
1
