王家沙 (Closed)

今晚同朋友仔黎食晚飯因為星期六怕人多結果六點幾就黎左叫左蟹粉生煎,牛肉餅,燻魚菜飯,蕃茄炒莧菜同枝裝飲品兩支另外因為有開特惠咭所以有額外鮮肉小籠包一客蟹粉生煎～無上次食咁多蟹粉,幸好仍然有鮮甜既肉汁,加上熱辣辣上檯,個皮亦煎得香脆唔油,味道都唔錯牛肉餅～餡料唔多,明明話要等十五分鐘,但點知第一樣就上,心想係咪一早整定,幸好仍然係新鮮熱辣,皮煎得香脆唔油又多汁,一啖咬落去d汁飛晒出黎,可惜有比較下,都係覺得清真好味d,人地餡多d好食d燻魚菜飯～燻魚帶少少甜,d骨又大,一啖啖都係肉,菜飯唔油,除左菜外,仲有少少類似火腿既小粒,味道唔錯,一碗有成個湯碗咁大,結果食唔晒d飯,淨左一大半,都只係33蚊,好抵食蕃茄炒莧菜～本來同行既朋友仔話叫炒通菜,但因為我睇過食評有人話好食先叫,結果同朋友仔總結係不過不失,其實似係蒜蓉炒莧菜面再加蕃茄咁,唔見唔夾但唔見得特別好味囉!枝裝飲品～要左蘆薈蜜同小麥草汁,原裝枝裝上,因為見佢話叫飲品會免茶先至一人一支,蘆薈肉多,但個人覺得小麥草較好飲小籠包～如果唔係送既無打算叫,所以上檯前無期望,但點知喜出望外,皮都幾簿,肉餡亦唔太肥,又多肉汁,熱辣辣食時好味道計埋加一