堅信號上海生煎皇 (淘大商場2期)

Open Now

Now Closed

相信堅信號嘅生煎包街知巷聞，大家都有食過，除咗生煎包之外仲有其他特別嘅菜式今日嚟到淘大商場嘅其中一間分店介紹下，生煎包分別可以揀兩件或者四件，佢嘅水準仍然都係咁高，裏面嘅餡料豐富，肉汁超多，皮薄餡靚真係抗拒唔到，真係可以一個人食晒四件🤤🤤🤤，唸起都已經流晒口水，明明先食完🙊🙊除咗生煎包外，我哋都嗌咗灌湯小籠包，呢款小食都係必叫，小籠包都可以做到皮薄餡靚，肉汁夠晒豐富，如果鍾意生煎包同小籠包嘅你一定要黎試吓，因為呢兩款絕對係堅信號嘅鎮店之品👍🏻👍🏻👍🏻我哋仲嗌咗回鍋肉上海粗炒，出面嘅上海粗炒多的是，但係回鍋肉就比較少，回鍋肉肥瘦均勻，每一片都係咁平均，上海粗炒嘅顏色色澤均勻，超級入味，麵嘅軟硬度都剛剛好，再加上大蔥，紅椒，同菜嘅配搭真係冇得頂😋😋而令一款就係韭菜豬肉水餃，除咗韭菜另外都有白菜同酸辣湯等，有辣有唔辣有素食，選擇都幾多，湯底都係清湯為主，水餃皮薄，餡料又多，韭菜又夠香，大細又平均，都係唔錯既選擇🫶🏼🫶🏼而最後嘅小食就係孜然雞翼，佢都係有三件同五件揀，雞翼嘅皮夠脆，炸得好均勻，但又唔會乾，肉汁鎖住喺裏面，超級惹味，飲品方面我哋就嗌咗豆漿，佢都有分凍同熱，豆漿味都夠濃郁，唔會好甜