La Famille 嘅戚風蛋糕好有特色，每次想食甜品又唔想食太甜就會黎買佢返去食下，始終日本忌廉真係唔係人人可以拒絕到。
今次就買左以下三款：
日本日向夏蜜柑 — 酸酸甜甜，用上柑肉做成的果醬格外鮮甜，入面仲有香草奶凍同埋北海道鮮忌廉，成個配搭令到夏日風都出哂黎，冬天都覺得無咁凍了~
皇牌士多啤梨 — 一打開忌廉好足，配上少少新鮮士多啤梨，口感一流。蛋糕內部都係粉紅色，啖啖都係士多啤梨味~外圍仲有由新鮮士多啤梨做既果醬，成個味道好突出，難怪叫做皇牌士多啤梨~
大甲香芋黑糖麻糬 — 如果飲開香芋鮮奶既，就會感覺到呢個蛋糕充滿既誠意。一靠近已經聞到成個蛋糕都係香濃芋頭味，咬落去仲有幾舊麻糬，煙煙韌韌，仲有少少黑糖味，配上La Famille招牌忌廉，唔會太膩之餘仲想食多幾舊，想減肥既念頭都消失左哈哈
生活幾難過都需要食啲甜品，La Famille真係唔錯~
