Read full review
2020-11-28
8075 views
神戶屋日韓放題係一間係兆萬中心屹立多年既老字號，能夠係競爭對手眾多既美食天堂存活落嚟，除左係因為佢有一顆善良嘅心之外，更加係因為佢食物既質素，多種類既選擇，認真既調味同高級既選材都係佢成功既秘訣！首先上場既係壽司刺身，一盤刺身既水準，好大程度取決於刺身既新鮮程序同埋刺身既選材，依方面，神戶屋可以講得上係模範生，三文魚既油脂分布平均，用料新鮮，入口有強烈既油脂香化開。玉子同蟹柳既甜度亦都剛剛好，唔會死甜，鮮蝦既味道更加係水準之上，一個完美既頭盤就係如此誕生。壽司方面，芝士火灸既配合從來都係歷久不衰既配搭，加上完美選材既三文魚，入口化開既油脂香同火灸芝士完美融為一體，好味既化身！再黎既係瑞士汁雞翼，瑞士汁既味道同平時茶記既唔太一樣，味道無咁濃烈，取而代之嘅係餐廳花左好多時間去處理雞翼，骨肉分離，入口即散，不論口感定係方便性都非比尋常。🤩炸物方面都可以話係放題必點之選，鮮蝦天婦羅一貫美味，蟹柳不過不失，不得不提既係炸春卷，可口既春卷配上鬆脆既外層，內部既雜菜又提供另一種鬆脆既口感，依種從外到內再到返外既口感實在令人一試上癮。蟹粥方面梗加係不可錯過之選，手掌大細既碗中放入半隻蟹，蟹中精華儘在碗
神戶屋日韓放題係一間係兆萬中心屹立多年既老字號，能夠係競爭對手眾多既美食天堂存活落嚟，除左係因為佢有一顆善良嘅心之外，更加係因為佢食物既質素，多種類既選擇，認真既調味同高級既選材都係佢成功既秘訣！
首先上場既係壽司刺身，一盤刺身既水準，好大程度取決於刺身既新鮮程序同埋刺身既選材，依方面，神戶屋可以講得上係模範生，三文魚既油脂分布平均，用料新鮮，入口有強烈既油脂香化開。玉子同蟹柳既甜度亦都剛剛好，唔會死甜，鮮蝦既味道更加係水準之上，一個完美既頭盤就係如此誕生。
壽司方面，芝士火灸既配合從來都係歷久不衰既配搭，加上完美選材既三文魚，入口化開既油脂香同火灸芝士完美融為一體，好味既化身！
再黎既係瑞士汁雞翼，瑞士汁既味道同平時茶記既唔太一樣，味道無咁濃烈，取而代之嘅係餐廳花左好多時間去處理雞翼，骨肉分離，入口即散，不論口感定係方便性都非比尋常。🤩
炸物方面都可以話係放題必點之選，鮮蝦天婦羅一貫美味，蟹柳不過不失，不得不提既係炸春卷，可口既春卷配上鬆脆既外層，內部既雜菜又提供另一種鬆脆既口感，依種從外到內再到返外既口感實在令人一試上癮。
蟹粥方面梗加係不可錯過之選，手掌大細既碗中放入半隻蟹，蟹中精華儘在碗中，鮮味既膏香令人慾罷不能。
黃金大蝦可以話係餐廳既招牌菜，鬆脆既外表上面埋藏住一份邪惡咸蛋黃，蝦肉既口感更係令人明白何謂欲窮千里目 更上一層樓😛好味到忍唔住叫多左三份。🙈
作為收尾既焗物起左畫龍點精既作用，對蠔熱愛程度有限既我，係芝士既用作下，都慢慢愛上左依一份食物，芝士焗帶子更加就係強強聯手既狀態，美味既程度令人垂涎三尺，但由於太滿足既關係，都係留一個伏線，下次再嚟好好品嘗下啦😛
Post
