御泰坊-泰越菜 (Closed)

朋友想食泰國菜, 我就建議去APM的御泰坊, 因為食評有好多個笑臉, 地點又近我公司。呢度環境落, 空間感足夠, 餐廳裝修好有泰國feel, 仲有open kitchen。我地4個女仔就點左個4人套餐, 包括泰式拼盤, 南瓜蟹肉湯, 泰式沙律, 青咖喱雜菜, 泰式炒飯, 海南雞, 甜品。份量其實足夠6個人食, 誠意推介是南瓜蟹肉湯, 好有南瓜味, 好滑, 蟹肉又多, 而且是一鍋上, 每人可飲兩碗, 非常正! 泰式拼盤共有4款食物, 水準OK。泰式沙律材料太少只有一條條青木瓜, 無咩配料, 味道太辣, no good! 青咖喱雜菜唔辣, lemongrass味好清香, 用咖喱汁送泰式炒飯超正, yummy!至於海南雞味道唔差, 肉質嫩滑, 仲幾大碟添。甜品就是粟米椰汁糕(一件件上,並不是香葉包著的泰式椰汁糕, 好失望), 味道普普通通。飲品order 1杯, 第2杯半價(只限2杯同款), 我地order 2款(共4杯), 其中青蘋果凍飲味道唔會過甜, 好fresh, 亦是推介之一。整體水準中上, 價錢合理, 套餐價錢約4百幾元, 由於份量充足, 4個女仔真係食唔晒, 唔想浪費唯有打包,