同朋友慶祝生日🎂
太耐冇食日式放題，我地揀咗呢間係尖沙咀，出名多人食，亦都難BOOK 位，今次早咗幾星期BOOK，時段係5:30 ~ 7:30，因為得2個鐘，所以食得比較急，我地準時到達，亦都好快安排入座，坐係角落的梳化位，環境燈光比較暗，枱與枱之間比較迫。餐廳係用QR CODE自助點食物，每人可按自己所食既份量點，刺身壽司款式比較少
每類都只係有幾款選擇，我地主要攻熟食，叫咗咖喱蟹，雜錦天婦羅，黃金蝦，扇貝，雞翼，海螺，牛柳粒，雞泡魚干等等，每樣都新鮮即叫即整，新鮮好味。刺身叫咗甜蝦，帶子同埋赤蝦，刺身新鮮鲜甜。壽司叫咗鰻魚，蟹捧，帶子，三文魚等等。
而飲品係係出面既幾個大飲品雪櫃，任飲，有汽水，綠茶，果茶等等，最後甜品係Haagen-Dazs同埋Movenpick既雪糕，我地揀咗Movenpick，埋單每人$248 （另加一服務費），以食物質素黎講，都叫抵食，唯一唔好係刺身壽司選擇太少:(
