門口的知客已經木口木面冇笑容一d都唔起客, 帶我地入去時, 坐得果一成位, 帶位叫完歡迎光臨, 其他侍應全部搵個背脊得住你, 啞左咁, 個帶位就拍一下某侍應的手, 結果都係冇聲啞左咁, 入到去帶左我地去好普通的位, 開聲問佢有冇卡位, 唔出聲, 然後先至好不情願帶我地入去, 第一個感覺已經大打折扣, 坐低張檯濕左好聲好氣叫佢抹, 換來黑口黑面, 大大力放低兩杯茶, 結果又整濕張檯, 我地都費事再叫佢抹, 只想快快食完走...
叫左個生蠔窩$98, 這個有埋烏冬同飯, 仲有幾片刺身, 所以都幾飽; 至於炸雞件, 都係覺得加寧街康竜拉麵d, 串燒墨魚咀, 牛舌, 鴨舌 這些就好一般, 衰過街邊果d, d牛舌好似五毫子咁薄咁細片, 捲捲埋埋咁, 仲叫左個南瓜沙拉, 小平津好食好多, 份量亦多好多; 成餐飯除左送野食黎見到侍應, 其餘搵個人都難, 不過間野只係坐左一成客, 大概全部侍應去晒傾計, 想叫人斟茶要叫唔該好多次先有人, 斟完茶永遠唔識幫你收d吉碟, 繼續擺o係度阻住張檯, 結果成晚要叫左四五次斟茶; 本來想叫d刺身食, 不過咁o既服務, 唔想再幫襯...坐到九點半, 仲竟然熄左冷氣, 勁焗, 但仲有成十張檯未走, 食完一出門口, 真係忍唔住要講, 人地和民生意好禁多係有原因, 食物就算幾好, 服務唔得, 都會影響味覺咯, 何況食物又咁一般, 唔該d員工如果年初一/情人節唔想返工就唔好做啦, 客人幫襯唔係要黎受你氣, 如果邊位想被人當透明都不如, 就去食下感受下啦.
