鋒哥廚房 (Closed)

見天氣有啲涼，又係打邊爐時間，呢間鋒味廚房之前都想會一會，奈何一直無膽去，因為佢既生啤任飲真係勁吸引，怕去左就返唔到轉頭！佢主打雞煲羊腩煲海鮮生啤任飲任食，一開始就羊腩煲然後再雞煲，最後點個鍋底打邊爐。今日得2個人我哋就無點羊腩，直接來個花雕醉雞食下。半隻雞都好大隻，煮完啲雞花雕味好足，真係食完想再食！食完雞打左個底就梗係來料飲生啤！鋒味個宣傳口號係可能係全港最多生啤任飲既鋪頭，真係唔係講笑，白啤有成7款，黑啤都3款，仲要係比日本靚生啤，德國生啤你，呢啲外面一杯都成舊水，叫人點忍到口呀！一來就整杯惠比壽濕下口，再來就神泡premium，接著就來個本地友啤酒，味道濃到淡。飲完白啤就轉下黑啤，真係越飲越過癮！唔記得講佢仲要有冰杯提供，真係唔讚唔得！飲到咁上下就叫左個豬骨煲食，佢啲海鮮真係生鮮又多款，任食比到咁既質素真係掂！一邊食一邊老闆都過左來吹下水，仲教左隻黑啤溝白啤會勁易醉，成個氣氛真係正！