李家 (筲箕灣道) (Closed)

好耐無食過韓國炸雞啦! 去開西灣河探朋友，一於約佢食附近既李家～店舖環境寬敞舒適，空間感足，可以舒舒服服咁歎返個DINNER!甜辣炸雞提供無骨/有骨選擇，都幾彈性～鍾意啖啖肉既朋友可以揀無骨～炸雞熱辣辣即叫即炸，炸得香脆得黎肉質仲好嫩滑，甜辣醬酸酸甜甜，唔會太辣，特別開胃又惹味。蜂蜜蒜蓉炸雞試多款口味～外脆內嫩既炸雞好JUICY，醬汁甜甜地，仲夾雜著好香濃既蒜蓉味，肉嫩多汁真係好正。芝士雞蛋卷超大碟上枱夠哂吸晴，切開蛋卷流出香滑芝士，份量超多，芝士控必試！芝士辣海鮮炒年糕年糕煙煙韌韌好有咬口，海鮮有齊蝦、青口等等，材料豐富，夾起既時候仲可以拉出超長既芝士絲，視覺效果一流！