三禾中日料理 (Closed)

落雨天，心情麻麻地，決定約女友出來食餐好，女友話事，話之前朋友介紹依間火鍋唔錯，咪黎襯下熱鬧。依度吸引之處，除了可以火鍋外，還有爐端燒，一個價錢有多種選擇，都幾有綽頭。最近咁興蜆鍋，我地梗係唔執輸，叫了卜卜蜆鍋，落了蒜蓉、花雕酒，鮮味濃郁，而且蜆鮮甜。爐端燒送了一些海鮮，鮑魚、龍蝦最好食，而且女友對冇海鮮不歡。火鍋好多食物選擇，連牛肉都有兩款，對於食肉獸的我來說，超值。刺身新鮮，帆立貝好大隻，十分鮮甜。已經食到好飽，但見到甜品竟然有心太軟，不得不試，試完，齒頰留香。