鮮芋仙 (Closed)

附近開左間鮮芋鮮，咁耐以黎都坐低食過。間中會外賣飲品，個人最鍾意小芋圓奶茶，仲係熱嘅，冬天時飲暖笠笠，茶底幾夠奶香，要求小甜都絕對做到，仲有細細粒BB芋圓，煙煙韌韌，不錯。今日見唔係太多人，可以坐低食個下午茶。芋圓3號 ＄45冰芋圓有刨冰底，3號配料有紅豆、花生、珍珠，仲有一堆芋圓。冰底實在夠凍，紅雨同花生相當腍，甜甜地，芋圓都係煙煙韌韌，不錯。抹茶布丁配小芋圓雪糕 ＄38呢個布丁拼盤可以自由配搭，抹茶布丁有淡淡茶味，配紅豆不錯。最鍾意小芋圓細細粒，凍食比熱食更加QQ，可以撈埋雪糕一齊食。甜甜的下午茶。