食飽晚飯
又到食甜品宵夜時候
約左兩個女人一齊去天后食糖水
正所謂三個女人一個墟
咁就可以叫個甜品墟出來
可每樣叫些
食到夠本
先叫左個鹹蛋黃魚蛋$35有6粒
填飽個肚先
小小辣
魚蛋都算彈牙
鹹蛋黃味都幾特別
好濃郁鹹蛋黃味道
但不會太鹹
好惹味
仙草芋圓$48
芋圓有三個口味
芋頭地瓜同埋紫薯
紫色同埋黃色
地瓜相對芋頭紫薯甜一些
全部都好煙韌
落單時靚靚侍應
應該係甜姨姨會問你揀咩汁底
好細心咁介紹番每一個汁底
有薑味黑糖/淡奶/椰汁
因為個汁底會影響仙草嘅味道配搭
因為是草仙自家製
會特別有味道的
並非一般黑色啫喱
所以仙草會略帶甘味
類似龜苓膏味淡一些
最後我哋揀咗薑味黑糖
好好食
甘甜適中
整碗仙草芋圓食感非常豐富
額外仲有好多配料
雙色湯丸$30
揀咗姜味
湯圓永遠都係配熱辣辣嘅薑湯味
係最正既
恩愛湯圓 是花生醬加 朱古力醬 做餡料
兩個餡料係埋一齊就變成恩愛湯圓
同埋芝麻湯圓皮好軟熟
又係有六粒
岩岩好一人兩粒
芒果糯米糍$38
芒果好甜
果肉好大粒
絕不偷工減料
糯米糍皮都好香芒果味
