韓舍 (Closed)

韓舍個名平時聽得多，於是今晚就去試下。一去到就見到門口有個錦花糖機，同好多甜品。我地一開始就拎左甜品櫃裏邊的野食 有多款既蛋糕 啫喱 木糠布甸等。而錦花糖甜甜地，真係好似細細個食果種。 放題既主角就當然係刺身啦!我同班朋友即去排隊拎三文魚 希靈魚 吞拿魚。三文魚肉真係好厚，加上表面上既魚油，未食都俾佢既賣相吸引。一食落口甘甜既三文魚腩，用一個字形容正。仲有其他刺身都好正!!!好似魷魚等等，佢地除左鮮味好足之外，而且每次份量都好足，好似個厚道，令個口感提升。翡翠螺真係不得不提!!!一挑出黎就見到大大舊肉係到，肉質仲好結實!!! 加埋檸檬汁成個鮮味真係一流。不過，食物雖然係好好，但係就唔太喜歡要排隊攞魚生刺身，仲要每次都限份量，結果每次都唔夠。搞到我要出入幾次。其實整體表現係唔錯，如果要我黎多一次我都制!!!但拎刺身個安排改下就好啦。