榴槤拿破崙 $68
個拿破崙好有厚度😂食落去有啲似方塊酥好鬆脆 加埋榴槤一開始越食越興奮 去到後尾有啲乾（建議叫啲有汁嘅甜品配搭下～～不過食落係幾正嘅好香口！
朱古力窩夫伴雪糕 $56
幾鍾意個窩夫搭到好似個tent咁😽可能自己對露營已經情有獨鍾hahaha 今次叫咗個綠茶雪糕，加埋個香蕉個口感都幾夾🫶🏼quite interesting 同埋個窩夫好朱古力味正啊！
菠多野結冰（暗黑亂入篇） $73
同個friend去食，佢見到個名就好興奮🤫今次仲要叫咗個暗黑版（涼粉）。有個菠蘿喺度襯托係幾特別嘅 仲有雪花冰原來都唔會咁易溶 不過個涼粉比想像中冇咁入味好在有椰果絲搭一搭🫰🏻下次要試西米露try try佢先
法式焦糖燉蛋 $48
呢個食落去比較似意大利奶凍 燉蛋比想像中冇咁滑，不過幾鍾意佢表面嗰浸焦糖脆卜卜嘅🤤
呢間尖沙咀店比大圍嗰間大竟然有埋樓上鋪
同樣地都係有貓貓坐鎮 今次仲要有Twins🤩一隻好高竇一隻好乖 真係忍唔住都要摸摸先走🤪實在太精靈啦救命
