Video
Read full review
2007-08-21
13 views
久唔久哩食下自助餐，當獎勵下自己平日辛勞咁工作，第一次哩海景嘉福食Lunch Buffet，整體而言感覺都幾好，係餐廳環境比期望中差少少，因為話晒佢都係間5星酒店，但餐廳環境好普通，樓底唔高，有部份座位較逼。雖然有窗口位對住維港，但有條行人天橋擋住，而且唔可以安排坐大棚人。然而，侍應既服務就好好，有咩要求都好幫忙，又快手快腳，而廚師見我係食物前猶疑時，都主動講解下Ｄ食物，係Ｄ乜嘢，點樣整法。食物方面，無咩特別主題，同大部份酒店既自助餐差唔多，冷盤、熱盤、中式、西式、日式、甜品……樣樣都有。個人比較鐘意係佢個沙律吧、芝士盤、冷盤同甜品。沙律吧方面配料種類好多選擇，又夠新鮮，而且幾款醬汁味道都唔錯，清Ｄ淨落橄欖油加黑醋又得。另外，亦有預製好既沙律，例如西柚大蝦沙律，好醒胃，Ｄ蝦又無霉！芝士盤有成4款芝士揀，都算少有，有軟芝士，又有硬芝士，配麵包又得，配克力架都得，係最衰無名牌介紹Ｄ芝士，因為都想食完隻芝士知道佢叫咩名嘛！冷盤來來去去都係煙三文、肉腸都無乜吸引，反而依度有個叫酥皮黑菌吞拿魚，又幾好食，吞拿魚卷住黑菌，再包層酥皮拎去焗，攤凍做冷盤，切成一片片，食落陣陣黑菌香，幾得意！凍蝦同凍青
食物方面，無咩特別主題，同大部份酒店既自助餐差唔多，冷盤、熱盤、中式、西式、日式、甜品……樣樣都有。個人比較鐘意係佢個沙律吧、芝士盤、冷盤同甜品。
沙律吧方面配料種類好多選擇，又夠新鮮，而且幾款醬汁味道都唔錯，清Ｄ淨落橄欖油加黑醋又得。另外，亦有預製好既沙律，例如西柚大蝦沙律，好醒胃，Ｄ蝦又無霉！
芝士盤有成4款芝士揀，都算少有，有軟芝士，又有硬芝士，配麵包又得，配克力架都得，係最衰無名牌介紹Ｄ芝士，因為都想食完隻芝士知道佢叫咩名嘛！
冷盤來來去去都係煙三文、肉腸都無乜吸引，反而依度有個叫酥皮黑菌吞拿魚，又幾好食，吞拿魚卷住黑菌，再包層酥皮拎去焗，攤凍做冷盤，切成一片片，食落陣陣黑菌香，幾得意！凍蝦同凍青口亦都唔錯，係Ｄ凍扇貝個樣就差ＤＤ！
輪到甜品，見到都發晒狂呀：雲呢拿奶凍、蜜瓜米布甸、意大利芝士餅、美國芝士餅、綠菜毛士餅、芒果毛士餅、紅莓毛士餅、白酒芒果啫喱、熱情果炖蛋、朱古力布甸、紅豆豆腐花……仲有仲有，大部份甜品都好有質素。其中兩款：白酒芒果啫喱、熱情果炖蛋，小弟就覺得好掂，前者底屠有椰子毛士，跟住一層芒果蓉，一層芒果毛士，再放一大粒鮮果，加片金泊係面，小杯仔咁上，味道層次好豐富；至於後者就以法式燉蛋為主，再係焦糖面加層熱情果漿，一甜一酸，一拍即合。如果怕甜既，佢個紅豆豆腐花，一小杯一小杯咁，唔會一大桶被人整到爛晒，豆腐花好夠滑，紅豆又夠豆香，一樣唔錯！
所以，雖然差不多成二百蚊食個晏，好似好貴，但一次過試均咁多樣特色嘢，食得過，淨係試晒咁多款甜品就抵晒啦！
Post