陪著你走甜品 (Closed)

甜品又中小伏—陪著你走朋們食完飯後話要食糖水，就係銅鑼灣行到天后食, 係我推介既陪著你走。🤦🏻‍♀I’m sorry 喊出黎，令佢中伏😔我地每人叫左一個甜品, share黎食！我叫左個爆脆綿綿，睇相就知完全圖物不符，但興幸既係入面得雪糕同爆炸糖，完全唔洗整，所以味道就正正常常！但真係好Hea😑😑😑朋友叫左個黑白仙草芋圓！黑白仙草芋圓我其實係為左佢而嚟😔 以前食過幾好，估唔到事隔兩三年，完全唔同哂😳 仙草太碎，好似人地食剩甘！芋圓最重要係煙韌，但呢度完全無呢個口感，係我暫時食過最難食既芋圓！仲要一D味都無！真係一舊粉！作為一間以芋圓為主打啲鋪頭，佢既芋圓真係令人好失望。總括而言，希望舖頭睇到呢個食評可以改變下，以前食過幾次唔係咁！有機會再見！