Crêpe Delicious (MOKO新世紀廣場) (Moved) New Location

收工想搵間餐廳有鹹食又有好味既甜品，同朋右係新世紀行行下，就決定入嚟試吓。煙燻鴨胸薄餅外層其實係酥皮，咬落鬆脆，兩款口味既芝士配烤鴨及醬汁，都幾唔錯。京式烤鴨可麗餅以為可麗餅一定係甜食，點知鹹食都幾夾。煙燻鴨胸配上清新可口既青瓜番茄洋蔥等配料，食落都幾特別。熱情果梳打甜中帶酸，果味香濃得嚟唔太甜。荔枝蜜桃梳打有荔枝果肉係杯上作點綴，都幾有心思，而且荔枝同蜜桃比例剛好，係清新之選。意式奶凍上面既果醬有點搶左奶凍既味道，食到底先感受到奶凍濃厚既味道。Nutella gelato 榛子味道好出！同雪糕唔一樣，口感比普通雪糕更幼滑，而且一球都幾大，食完都幾飽。