鮮魷魚火辣墨魚汁意粉🦑🍝
意粉口感彈牙，墨魚汁咸香帶微辣，味道好惹味，魷魚鮮美有咬口
香辣柚子大蝦沙律🦐🥗
沙津菜十分新鮮，辣味跟柚子清新的甘味加埋頗有趣，大蝦夠爽口
三重芝士大蘑菇牛肉漢堡伴沙津🧀🐮🍔
香噴噴三重芝士士好邪惡呀😏牛肉好厚身好濃郁，大蘑菇平衡返油脂又增加口感
牛油香草燒春雞配日式薯仔沙律🍗🥔
店員推薦抵食之選，份量大份，春雞十分入味，而且雞脾肉質好滑
士多啤梨乳酪配士多啤梨雪糕厚焗鬆餅🍓🥞
鬆餅除左滿滿的蛋香味，都做出好鬆軟既口感！配上士多啤梨醬、蜜糖漿及雪糕，唔算太甜，口感同味道都一流，簡直100分！
朱古力三重奏（朱古力慕絲雪糕，凍朱古力特飲，朱古力心太軟）🍫
朱古力軟心緩緩流出來，味道香濃而不苦！慕絲甜而不膩, 配上雪糕食一流！特飲加入兩塊冰塊亦無損朱古力濃濃味道，😙為此甜品畫上一個完美句號😊
餐廳位於銅鑼灣地帶，正正就係地鐵站對面，非常方便。裝修時尚有格調，落地玻璃可以望到銅鑼灣人來人往嘅人潮，同餐廳內舒適嘅環境形成好大嘅反差。
