川流 (Closed)

自從疫情反轉又反轉，已經勁耐未試過打邊爐🥲。前兩日大學同學約灣仔dinner, 兩個女仔竟然都有想吃辣想打邊爐的衝動，二話不說一搜索，見到川流環境唔錯，訂座全單有折即刻撲去。👏去到門口，雖然我地早到左半個鐘，但服務人員非常好人讓我們提前入座。環境同燈光有小酒吧感覺，適合同三五好友小聚一番。送上木盒裝精緻小吃，其中貓耳朵微辣酸甜，非常開胃。雖然一心想打邊爐，但其實晚市有一個2人$688 套餐都幾豐富吸引，下次可以試試。我與好友均是嗜辣之人，最終叫左微辣的「酸菜桂魚鍋」、牛肚同鴨血。「酸菜桂魚鍋」$488「牛肚」$ 68「鴨血」$ 68吃火鍋點少得“混醬”，侍應先上十款醬，可能我中意海底撈醬料選擇更多，所以醬料方面其實對我而言無驚喜。Mix完酱，「酸菜桂魚鍋」好快就到，酸菜份量好足（甚至太多），入面仲有大量雜菌。另上墊住芽菜的已起骨桂魚腩，豆腐卜。桂魚腩厚薄適中，吃完仲想吃。不過湯底缺少了酸菜魚特有的香。至於牛肚建議一上即落鑊，滾耐少少會比較淋身，鴨血幾好，大學同學仲見到上面印住英文，笑說莫非法國空運鴨血🤣整體來講，環境好，吃物尚可，不過如果想吃酸菜魚或打邊爐可能會有少少失望，下次一於試下