比起其他分店多左一份小清新既感覺
餐廳內空間感十足，樓底高，係正商場中央，較為通透
不過可惜座位之間並唔算寬落，四人枱之間只係隔左一條好小的空隙
基本上同搭枱無乜分別，當時食飯左右兩邊都坐左人，所以有點逼
服務方面，點餐都係自己手機落單，隔左十分鐘左右就上菜
食物評價
燒豬扒撈檬 $95
每次黎食都係食撈檬，因為佢既配菜好足，芽菜生菜蘿蔔絲花生都比足
感覺上都比較新鮮同無咁油，佢既魚露味道偏淡，落左半枝先夠味
至於豬扒，口感唔錯，肉唔會太鞋又有少少汁，食落口第一淡有少少甜味
可能係醃左Ｄ汁既味道，不過整體都係好食
燒雞撈檬 $95
燒雞份量相對較少，畢竟個價錢並算平，只係比得２串雞肉分量
但係雞肉都係嫩口同埋滑，所以都係好味
整體而言，越南菜黎講價錢偏貴，但係餐廳環境相對較為乾淨
服務黎講亦都無乜，手機落單，比錢都係自己拎張單出去，咁都要加10% ，
不過論食物黎講都係好食，值得推介
