INN - I’m Not Nothing (裕民坊YM²)

Open Now

Now Closed

餐廳裝修得好靚，同朋友喺度食咗一餐好滿足嘅晚餐。餐廳設有室外同室內位，無論室外定室內用膳都好適合打卡。🥗 牛油果凱撒沙律慢煮雞胸 $128大量新鮮嘅沙律菜裡面會有粒粒麵包粒，麵包粒非常鬆脆，雞胸肉好嫩，搭配一片片份量充足嘅牛油果，健康又飽肚。🍝 煙三文魚龍蝦忌廉汁意粉 $138龍蝦忌廉汁味道調較得恰到好處，意粉彈牙掛汁，裡面有新鮮車厘茄同大量煙三文魚，口感豐富！🍨 朱古力布朗尼配雪糕 $78一共有四件朱古力布朗尼，布朗尼巧克力香氣四溢外脆，口感濃郁。上面仲有一塊馬卡龍同埋一球口感順滑嘅雪糕球。伴碟仲有士多啤梨同橙乾，呢碟甜品賣相相當吸引！🥞開心果梳乎厘班戟 $108好靚好適合打卡嘅甜品！梳乎厘口感輕盈蓬鬆，開心果味道濃郁，甜度適中，伴碟仲有大量堅果，增加口感層次。