Paths Koffee & Rest Stop (Closed)

位於觀塘工廈樓上鋪，呢間咖啡店環境超級舒適，靜得來又唔會有好唔自在嘅感覺，啱晒需要喺度坐一兩個鐘，做吓嘢溫下書嘅朋友🥰🥰🥰環境舒服，座位寬敞。有梳化位、茶几位、仲有一啲吧枱嘅位，梗會揀到你啱嘅位坐。各種類型嘅鬆餅、件裝蛋糕、或者麵包類都係十幾廿蚊，平過出邊嘅咖啡店好多。所以喺度要過一個舒適休閒嘅下午，都唔怕會洗多咗好多錢。食物質素唔錯，試咗一杯咖啡同鬆餅都非常滿意。雖然呢度只係新試業，但食物質素已經對得住佢嘅價錢，而且呢度嘅廚師好歡迎大家俾啲意見，等佢可以慢慢改善佢嘅Recipe。