會所1號 時尚康山 (Closed)

康怡想搵個舒服嘅地方飲茶都唔係咁多選擇，一係就要行到去太古城今日試咗會所1號，其實响AEON 3樓由商場穿過去就到，好方便可能會所1號主力搞婚宴，嗰場嘅樓底好高，佈置幾優雅，枱與枱之間又唔會好迫，坐得幾舒服焗酥皮叉燒包上枱時仲暖暖地，表面嘅酥皮香脆，入邊嘅餡料夠味，屬於高質素豉汁蒸鳳爪每次飲茶都必點，呢一間嘅賣相一般，但炆得好夠入味，而且份量都幾多，有六七隻薑蔥牛柏葉，蒜香味濃，口感適中，唔會太韌，而且上枱時仲熱焫焫，抵讚蟹籽燒賣王，入面加咗香菇絲，增加咗香味，蟹籽卜卜脆，調味亦適中山竹牛肉球，肉味濃，有馬蹄嘅爽口，而且啲肉唔會揦到過哂龍，唔會有梳打味頭抽帶子炒腸粉，帶子雖然唔係好大粒，但份量都好多，頭抽嘅鹹香入咗啲腸粉度，好味又唔會過鹹最後加個薑蔥肉鬆炒飯，估唔到個份量咁大，而味道又唔錯，肉切到好碎，加上薑蔥調味，都食咗兩大碗，但都有好大盒可以打包🤣👍