不倒翁中日火鍋料理

Open Now

Now Closed

不倒翁火鍋店，我黎之前都聽過朋友推介，今日經過佐敦，臨近佐敦站E出口，於是行過黎試一試。一坐低餐廳服務員已主動介紹餐牌，我選擇了蕃茄薯仔鍋，叫左頂級雪花肥牛肉套餐，店員推薦加$100可轉安格斯手砌肥牛，最後我無轉到，先試左雪花肥牛，下次再試其他。落完單無耐，店員送上日式刺身拼盤，有三文魚，吞拿魚，八爪魚，全部都係厚砌，大大件口感好正；跟住就上埋海鮮拼盤，可以選擇三款，我選左鮑魚，聖子同埋龍躉，真係要讚一讚餐廳誠意，全部採用新鮮食材，我一食完就感覺到，而且注重衛生問題，冰鎮食材洗得好干淨。跟住就試鎮店水餃皇,呢個真係要推薦俾其他用家，一飯水餃好大隻，用鮮蝦製造，蔥菜吾會過量，食到水餃鮮甜汁味。另外就食埋手打四保丸，都係水準之上，跟我們喺牛肉火鍋店食嘅味道差不多。呢個套餐還包括一份生面，份量大，食完整個套餐連生面，真係飽到行唔到。最後，店員仲會送上甜品，桂花糕同椰汁糕。以$380價錢嚟講，可能你會覺得貴，但係食呢個食物質素，的確係物有所值，而且環境清靜，裝修精美，適合一班朋友聚會或者坐低閑聊。