Lagom Kaffe (Closed)

環境舒適，打咭一流  聽過樂感好耐，但係一路都冇嚟試過，襯長假期去到平日十分多人嘅牛頭角樂感。長假期都不用等位，環境比想像中更大，而且樓底高亦有落地玻璃，採光度十足，坐咗一段時間都感覺好舒適。 當日大概早上 10 點去到，原本以為 café 最多只會有 all day breakfast，原來 Lagom Kaffe 亦有提供早餐，仲有湯麵同多款咖啡選擇。      最後點咗個 B1 set 蕃茄洋蔥湯雞肉螺絲粉拼太陽蛋及火腿牛角包 同埋 點咗 B6 set 特級早餐拼雞扒。B1 set 都好豐富，火腿牛角包酥脆味道岩岩好，蕃茄洋蔥湯清淡鮮甜，十分適合一朝早食。  不得不提，雖然早餐喺包咖啡，但絕不馬虎，亦會有拉花。Overall 早餐選擇唔多但份量充足，價錢合理，而且包咖啡同牛角包，餐廳空間感大，值得再試午市或晚市。