川琦台日料理 (Closed)

喺新屯門商場發現有間台日料理，可能位置比較偏僻嘅關係，原來已經開咗一段時間，店內地方寬敞，同朋友二人都坐得好舒服，係一個好適合食飯傾計嘅地方，店內有炒飯 炒麵、拉麵、日式定食等等…仲有多款台式飲品，我叫咗個照燒鯖魚定食，有一碗飯一碗麵豉湯，前菜係螺肉同中華沙律，價錢都係58蚊，好抵食，前菜嘅食物都算新鮮，但麵豉湯味道太鹹，如果淡少少比較適合我，至於條照燒鯖魚，應該係叫照燒汁鯖魚，因為食落口感唔似燒，似用照燒汁焗出嚟， 味道雖然一般，但係用嚟送飯都幾開胃。