綠色素食份子 (Closed)

樓底極高，好有空間感，白色主調裝修，木家俬，坐得舒服，飯聚傾計一流。以新派素食嚟講，價錢非常相宜，而且賣相食味就像一般西餐，就算不太接觸素食嘅朋友都易於接受。叫素鴨，還以為喺傳統深啡有個蠔油汁嗰隻，完全想像唔到咁精緻。炸功一流，香脆乾爽無滴油，一啲臭油味都，口感有少少像包裝多士零食，但千層腐竹令其更輕盈。麻醬豆腐，日式做法，大大磚滑西灣河豆品老店出品嘅滑豆腐，感覺像在吃布甸，好清爽舒服。豆腐多士，芝士+豆腐+脆法包，一定好食嘅組合。但覺得每件size若能再細少少，包再焗脆多少少，可以一兩口一件就更多，會食得方便啲。腐乳香樁pizza, 香樁係上海一樣特色香料，食味獨特。腐乳已混入醬料內，淡淡嘅咸香，創意之作。