日和茶舍 (Closed)

今日同男朋友黎到尖沙咀日和茶舍食個late lunch。餐廳環境舒適，座位寬闊，佈置都好有心思。我地叫左兩個lunch set，分別係香煎頂級安格斯牛小排伴薯蓉沙律菜同原條日式鰻魚旋風蛋飯，包日常餐湯&野菜沙律/小吃，仲有一杯飲品。日常餐湯係椰菜花粟米湯，佢唔係屬於creamy路線，但卻好好飲。飲到入面仲加左薯仔，真材實料。小吃係米網蝦卷，脆卜卜，好食。香煎頂級安格斯牛小排伴薯蓉沙律菜好欣賞牛小排用既係靚牛，有牛味又有油脂感，而且切成一條條疊起，擺盤有心機。薯蓉都好好食。野菜沙律幾大碟。原條日式鰻魚旋風蛋飯幾靚，鰻魚肥美可口，唔多骨。飲品係熱同凍既檸茶。