Video
Read full review
2020-01-19
17 views
前日，約左個朋友去食飯，佢話之前同佢男朋友食過有一間cafe唔錯，食物好味，而且好坐，所以我地就揀左去佢講的個間cafe坐啦。位置係好多樓上café的登打士廣場，裝潢都幾好，感覺都好舒服，職員話可以隨便揀自己覺得舒服的位坐。我地揀左個兩人set，可以叫一個小食、兩個主食、兩個甜品同兩杯飲品，而且佢的選擇都好多，花多眼亂，我呢啲有選揀困的人真係要揀一段時間，最後我地揀左芝士豚肉釀雞翼、龍蝦汁蟹肉帶子意粉、德國豬手、朱古力曲奇cheese cake、士多啤梨窩夫，飲品我叫左西班牙咖啡，我朋友點左香芋朱古力粒粒。坐左一陣，首先就有飲品了，我朋友個杯朱古力到先，我都試下佢個杯飲品，都幾重朱古力味，帶有淡淡香芋口味，不過過重而搶去了杯朱古力原先的味道。之後就到我個杯西班牙咖啡了，我都係第一次飲，因為我唔太飲太甜的關係，我個杯走甜，西班牙咖啡原來係凍齋啡加雪糕，初時都會有少少苦，但當個雪糕開始溶左之後就唔同啦，似係一杯雲哩拿味的咖哩，好正。小食方面的芝士豚肉釀雞翼，芝士味都幾出，豚肉味唔會太重而導致喧賓奪主，搶左雞翼的風頭，的確不錯，不過下次如果我再去，可能會試下其他小食，因為二人餐的小食都有成十
位置係好多樓上café的登打士廣場，裝潢都幾好，感覺都好舒服，職員話可以隨便揀自己覺得舒服的位坐。
我地揀左個兩人set，可以叫一個小食、兩個主食、兩個甜品同兩杯飲品，而且佢的選擇都好多，花多眼亂，我呢啲有選揀困的人真係要揀一段時間，最後我地揀左芝士豚肉釀雞翼、龍蝦汁蟹肉帶子意粉、德國豬手、朱古力曲奇cheese cake、士多啤梨窩夫，飲品我叫左西班牙咖啡，我朋友點左香芋朱古力粒粒。坐左一陣，首先就有飲品了，我朋友個杯朱古力到先，我都試下佢個杯飲品，都幾重朱古力味，帶有淡淡香芋口味，不過過重而搶去了杯朱古力原先的味道。
之後就到我個杯西班牙咖啡了，我都係第一次飲，因為我唔太飲太甜的關係，我個杯走甜，西班牙咖啡原來係凍齋啡加雪糕，初時都會有少少苦，但當個雪糕開始溶左之後就唔同啦，似係一杯雲哩拿味的咖哩，好正。
小食方面的芝士豚肉釀雞翼，芝士味都幾出，豚肉味唔會太重而導致喧賓奪主，搶左雞翼的風頭，的確不錯，不過下次如果我再去，可能會試下其他小食，因為二人餐的小食都有成十幾款比你揀。
龍蝦汁蟹肉帶子意粉的龍蝦汁味都幾出，有少少似特濃龍蝦湯，而且意粉煮得軟硬適中，夾埋龍蝦汁都好夾 ，而且呢個意粉好足料，帶子同蟹肉都好多，絶不欺場。
1 views
0 likes
0 comments
1 views
0 likes
0 comments
甜品方面我地揀左兩款，因為我好鍾意食格仔餅，所以揀左窩夫食，餐廳的窩夫雖然都不錯，但我覺得如果佢的士多啤梨唔係好似果jam咁塗上面，而係淋一些士多啤梨醬上cream的面，應該會更加好食。
而另一個係朱古力曲奇芝士蛋糕，佢都幾好，唔係太甜，所以唔會有一種好漏的感覺。
Post
