R.I.M.K (Closed)

晚市堂食重開後第一次晚上出旺角，終於有返昔日嘅人流和氣氛，為怕晚飯時段太多人，所以早少少去R.I.M.K食晚餐。餐廳環境舒適，餐牌主食以意粉和意大利飯為主。一人點左一個意粉，加48蚊變成套餐，會包餐湯、飲品和甜品。餐湯係櫻花濃蝦湯，湯頭夠濃，啖啖都有櫻花蝦嘅味道。蟹肉蟹子明太子扁意粉明太子同忌廉份量好多，滿滿蟹籽，足夠分哂成碟，配料有磨菇同紫菜，如果有埋洋蔥就更好食落勁creamy，扁意粉較硬適中，掛汁力一流西西里大蝦辣蕃茄汁意大利粉大蝦份量比我想像中多，每一啖都食到蕃茄，加埋大蝦一齊食就好爽，醬汁帶點酸為主，辣度也不會太強，令人越食越滋味。是日甜品係綠茶卷蛋和芒果卷蛋，入口唔會太甜膩，不錯。