紅橋 (Closed)

今日經開旺角搵緊地方食下午茶，見到紅橋餐廳係旺角開左，職員話原來係太子果間既新店，但呢度大間好多，上次係太子食過味道又唔錯，梗係要入黎再試下！入到黎可能坐係個風口位，冷氣有點凍，要調個好少少既位置。最後點左個蝦多士配薯角同埋羊架！蝦多士上面配上黑芝麻同白芝麻，中間一層蝦膠再加多士，一咬落去好鬆脆，層次感唔錯，食落去唔會好覺得好油膩，味道唔錯但最驚喜都係個羊架！本身食羊架好怕‘蘇’味，但呢度整出黎完全無‘蘇’味，仲覺得幾惹味添，配埋薄荷醬簡直係啱啱好！仲好細心咁用錫紙包住舊骨方便進食！舖頭夠大坐位夠多環境都可以（係冷氣大左少少）又多左一個下午茶黎既好地方！