泰屋

Open Now

Now Closed

有排都仲未可以去旅行，依加唯有每款國家菜色輪住食當飛咗轉，今日就去試下呢間泰國餐廳嘅LUNCH。餐廳門面有大佛、和尚等裝飾，內裡環境寬闊，寧靜舒適，店員亦非常勤力清潔消毒，令人可以好安心咁享受用餐。午餐餐牌有好多選擇，我地揀咗泰式豬手飯同香菜炒公仔麵配豬扒，飲品要青檸梳打同珍多冰，跟餐仲有兩細碗冬陰公湯。泰式豬手飯嘅豬手煮得好稔，豬手份量好大份，個汁撈飯好好食；香菜炒公仔麵配豬扒嘅豬扒唔會煮到變柴皮，個公仔偏辣但辣得黎好開胃，仲唔會成口油；青檸梳打唔會過甜，珍多冰班蘭葉綠色粉條亦夠軟滑幾好食，椰漿份量剛剛好。整體用餐滿意，下次去開旺角想食泰國野又多一個選擇。