I's Land Cafe (Closed)

是次經openrice訂枱,即使早一晚訂第二日中午去都冇問題,好方便而cafe位於觀塘最熱鬧果幾幢既工廈,唔怕搵唔到,相比起另外果幢,呢度唔使點預時間等一入到cafe,比我感覺係幾舒服,因佢佈置到森林feel,望到好多綠色令人感覺好大自然,有種令人靜落嚟既感覺,可惜人多既時候都離唔開工廈餐廳既弊處,就係有d嘈食物方面……我地分別試左個All day breakfast(唔記得影相)同 Benedict egg以及花茶,有讚亦有彈,友人喜歡果醬果肉夠多,感覺幾新鮮,加入牛油果呢個配搭幾特別。而Benedict egg既包過咸,搶晒其他味道,份量亦唔算大份至於花茶都算多選擇,味道正正常常最尾我地叫左個雙層流心窩夫甜品賀友人生日,首先讚一讚cafe原來佢地係可以寫人名落去,呢個心思抵讚,而個格仔餅裡面係有層吉士,呢個確實幾好食,雪糕上枱後先知係3隻唔同口味👍最後要講講最低果層既窩夫完全徹底淋晒,並唔係因為雪糕溶左而整到淋,好明顯係cafe職員整得未夠時間就擺上碟,呢個令人非常失望。