Infinity Workshop Cafe (Closed)

想約朋友係交通方便嘅旺角食飯, 但又想享受鬧市中難得嘅寧靜, 於是我搵左間幾多好評嘅樓上cafe, 果然冇令我失望。一上到去見到個環境已經幾舒服, 雖然唔係好大, 但枱與枱之間都有一定距離, 傾密計都唔怕俾其他人聽到。睇到menu其中一樣特色就係呢杯三眼仔green tea latte, 都幾得意。送飲品上黎嘅侍應姐姐話, 三眼仔唔開心呀因為要俾你飲左佢 lol, 我諗佢應該有好多表情。忌廉汁好rich, 明太子好多, 呢個意粉係幾好食, 賣相都靚, 有朵三文魚玫瑰。份量都唔算少, 同埋可能個汁好rich, 食完都幾飽。深海魚煎得剛剛好, 肉質唔會老, 但呢條魚本身唔係特別好食。個意粉我覺得都幾好食幾香, 但朋友就覺得三文魚意粉好食D。價錢唔算平, 都係一般樓上cafe價, 但地點夠方便, 環境舒服, 又可以唔限坐, 野食都好食, 所以性價比都幾高。