1
1
今次點咗個四道菜晚餐（Tasting menu $348 ），啲菜式配搭都幾新穎特別。
🔶前菜
賣相好似一盆植物，盤底有啲小石頭，上面有個花形脆脆～放咗青芥末枝豆蓉同埋煎帆立貝～再鋪咗啲三文魚籽喺面。帆立貝彈牙香口。
🔶湯
餐湯係薑汁西洋菜濃湯，伴以麵包和煙肉，湯嘅味道濃而帶甘，質地滑。第一次飲西湯會配埋一大塊煎脆了嘅煙肉，感覺新奇。
🔶主菜
烤羊西冷切成三大塊，上面灑滿咗雜果仁，而底部有雞心豆蓉。羊肉入口香草味好濃，有好多果仁碎好有口感。
🔶甜品
薰衣草奶凍入口滑溜，一食落去就有濃郁嘅薰衣草味，配咗個士多啤梨凍湯，凍湯比我想像中無咁濃稠～質地比較似果汁，甜甜的～
1
1
1
