軒寧樓 (Closed)

試左呢間新開嘅中菜餐廳，門面裝修非常傳統，加埋有一個大魚缸，非常之標誌性呀。而入面就行高級、舒服路線！ 香煎陳皮雞(半隻)呢個係餐廳嘅特別菜式，亦都係好少好少見嘅整法。將雞件用陳皮等等配料醃好，再攞去煎。皮脆肉滑，唔會好油，調味啱啱好。比起平時食到嘅，多一重特別。黑椒薯仔牛柳粒係牛肉多過薯仔架，而牛柳粒仲要好大粒。同一般酒樓或者大排檔好唔同，牛柳保持係三成熟，入面仲係粉紅色架，食到濃濃牛味。清蒸龍躉仔蒸魚真係必嗌呀，啲魚好生猛咁係到游水，真係好難唔試下佢！時間啱啱好，肉質滑嫩，一啖接一啖呀。