亞古鍋 (Closed)

朋友話想打邊爐, 咁就上openrice搵到呢間亞古鍋,試下新野ma~因為時間仲早, 所以唔係好多人, 但樓底好高好舒服, 真係岩哂傾計~一坐低就梗係揀左醬料先啦~今次叫左呢個招牌亞古鍋, 呢個湯底好足料, 有花膠, 螺頭, 瑤柱仲有d藥材~個湯底一黎到唔係落食物先, 係要滾左個湯俾我地飲先, d侍應仲會幫我地分落個碗到先~真係有花膠架我地仲飲左2碗湯tim~飲完湯侍應就會幫我地個鍋加番湯, 就可以淥d食物啦～加拿大桶蠔~呢個同平時出面食既急凍蠔好勁多, 食落口勁鮮好好味~騸牯三寶~呢個牛肉放得好靚, 中間仲整左個花tim...呢個拼盤有牛頸脊, 挽手同邊抓, 雖然唔知係咩部位但係d肉好嫩好好味呢個係蒙古羊肉, 平時真係好少打邊爐食羊, 不過好彩食個時唔會好大陣so味~打邊爐梗係食炸魚皮啦叫左個油麥菜, 食得健康d呢個丸叫四合丸, 其實係墨魚, 蝦, 豬肉同火腿打埋一齊, 真係第一次食, 好彈牙~值得一讚係侍應會主動幫我地”不”走鍋面既油, 環境太舒服, 剩係掛住傾計, 反而叫得唔多野食但下次都會再黎食