神輿日本料理 (Closed)

馬來西亞朋友來港，每次定必要食香港既放題，聽講佢地馬拉比較難食到好食既日本野，刺身款式亦好少選擇，而香港既放題對佢地黎講就係可以一次過食到多種有質素既刺身，壽司，及各種日本料理既享受~今次帶佢地食創興既神輿日本放題，地點就腳遊客都輕易揾到，價錢二百多元一位很合理~餐廳裝潢方面有心思，一個個日式屋頂既卡位除左坐得舒服，亦引得友人不停影相比家鄉親友睇~細心睇會發現餐紙內藏環保小玩意，可以撕下左上角跟右邊既教學摺日本紙鶴~好高既點菜紙~首先當然係刺身，三文魚，劍魚，帶子，甜蝦，呢幾款都肉厚鮮甜~之後係炸物，炸蠔夠juicy，香芋波外脆內煙un中間香芋餡香甜口感綿綿的~天婦羅都唔錯，炸漿薄薄又夠脆~燒物揀左蝦，豬肉串，雞軟骨，牛肉串，牛肉最好食，夠林身牛味又濃~蝦都不錯，幾大隻，彈牙~胡麻豆腐，茄子都值得一試，清清地細細份~再點刺身~炸鮮奶係方包包住牛奶餡，芝士年糕不得不點，煙un年糕中間包住流心芝士，飽都要食幾個先夠喉~