活

Open Now

Now Closed

位於北角海旁嘅「活LITM」，餐廳嘅環境舒服又開揚，店內仲分左兩個用餐區，一邊係比有帶寵物嘅客人去享用午餐😆，另一邊就比冇寵物嘅客人，好貼心。呢個慢煮西班牙有機黑毛豬，口感肉質好嫩，而且又好香嘅黑醋味道，配埋好有口感嘅薯蓉，實在係高質。而紐西蘭有機青口馬來西亞叻沙扁意粉，採用嘅青口都係上盛又新鮮，一啲沙同埋腥味道都冇，而且每一隻都好肥美。另外用咗馬來西亞喇沙做配料，令到青口同扁意粉嘅味道更加惹味。最後飲品方面叫左Espresso Martini，一杯咖啡味雞尾酒，好正😍。而熱朱古力棉花糖都好甜，朱古力味都好濃，朱古力熱愛人士必叫。