正宗印度餐廳及酒吧 (電氣道)

Open Now

Now Closed

以前同朋友食過一次印度菜覺得好好食，自此之後間唔中都會去試吓印度菜。咁岩經過見到呢間餐廳，裝修得好有特色就入去試吓。一條友食唔到太多野，所以冇叫好多嘢食。前菜係四色印度醬配脆片。脆片鹹鹹香香，配四隻醬真係好有特色。四隻醬包括有咖喱醬、印度辣椒醬、薄荷醬、梅醬。咖喱同埋辣椒醬都有啲辣味，而薄荷醬同埋梅醬就好清新。係一個唔錯嘅前菜。點左半隻烤雞，烤雞係鐵板上，香噴噴。雞醃得好入味，辣辣地，不過有少少乾，加左檸檬汁會好食d。然後仲有蒜蓉烤餅。去印度餐廳我一定會點蒜蓉烤餅，我覺得蒜蓉味好濃，烤餅都好脆，都有少少煙韌。同之前食嗰種好多層包嘅感覺有啲唔同。題外話，我覺得呢度環境坐得好舒服。侍應都好Nice，不過大家要用英文落單。